BMG-nyň Baş sekretary Keniýada we Somalide guralan terrorçylykly hüjümleri ýazgardy

BMG-nyň Baş sekretary Antoniu Guterreş, Keniýada we Somalide guralan terrorçylykly hüjümleri ýazgardy.

BMG-nyň Baş sekretarlygyndan berlen beýanatda, Guterreşiň şenbe güni Keniýanyň Wažyr etrabynda polisleri alyp barýan ulag geçip barýarka ýola goýlan bombanyň ýarylmagy sebäpli 8 polis gullukçysynyň ýogalmagyna sebäp bolan wakany ýazgarýandygy nygtaldy.

Anna güni hem şol etrapda 3 polis gullukçysynyň terror guramasy Al Şebab tarapyndan zamun alynandygy ýatladyldy.

Guterreşiň Al Şebab tarapyndan Somaliniň paýtagty Mogadişuda gözegçilik merkezinde bomba ýüklenen ulagyň ýarylmagy sebäpli 8 adamyň ýogalmagyna we birnäçe adamyň ýaralanmagyna sebäp bolan hüjümi hem ýazgarandygy bellenildi.

Beýanatda, Baş sekretaryň, hüjümde ýogalanlaryň hossarlaryna, Keniýanyň we Somaliniň hökümetlerine we halkyna gynanç bildirýändigi, ýaralananlara gyssagly şypa dileýändigi nygtaldy.

Beýanatda Baş sekretaryň BMG-nyň terrora garşy göreşde Keniýanyň we Somaliniň hökümetlerine goldaw berýändigi ýatladyldy.