Türk Ýarymgyzylaý jemgyýeti Owganystanda ýetimler üçin agzaçar berdi
"Remezan aýynda Owganystanda müňlerçe adama ynsanperwer kömegini bermegi maksat edinýäris"
1196301
Türk Ýarymgyzylaý jemgyýeti Owganystanyň paýtagty Kabulda remezan aýynyň ilkinji agzaçaryny ýetimler we maýyplar üçin berdi.
Agzaçarda söz sözlän Türk Ýarymgyzylaý jemgyýetiniň Owganystandan jogapkär ýolbaşçysy Wural Jan Kural, bir ýyldan bäri Owganystanda iş alyp barýandyklaryny aýtdy.
Türk Ýarymgyzylaý jemgyýeti hökmünde dost we doganlyk owgan halkyna goldaw bermäge dowam edýändiklerini aýdan Kural remezan aýynyň ilkinji agzaçaryny Owganystandaky ýetimler, hossarsyzlar we maýyplar öýünde bolýan 400 adam üçin berendiklerini belledi.
Kural remezan aýynyň dowamynda Owganystanda müňlerçe adama ynsanperwer kömegini bermegi maksat edinýändiklerini nygtady.
