Tramp musulmanlaryň remezan aýyny mübärekledi
"ABŞ-daky we dünýadäki ähli musulmanlar üçin mukaddes bolan aýyň mübärek bolmagyny dileýäris”
ABŞ-nyň Prezidenti Donald Tramp ýurdundaky we dünýadäki ähli musulmanlaryň remezan aýyny gutlady.
Tramp remezan aýynyň başlamagy mynasibetli beren ýazmaça beýanatynda “Melenia bilen ABŞ-daky we dünýadäki ähli musulmanlar üçin mukaddes bolan aýyň mübärek bolmagyny dileýäris” diýdi.
Musulmanlaryň remezan aýynda agyz bekleýändigine, Gurhan okap, kömege mätäçlere ýardam berýändigine ünsi çeken Tramp, şeýlelikde Allanyň rehnedine we merhemedine şükür edilýändigini aýratyn belledi.
2017-nji ýylda ABŞ-nyň Prezidenti kürsüsine oturan Tramp, şol günden bäri käbir musulman ýurduň raýatlarynyň ABŞ-na girmegini gadagan edendigi, ABŞ-da Yslamofobiniň artmagyna itergi berendigi we Iýerusalymy Ysraýylyň paýtagty hökmünde ykrar edendigi sebäpli tankyt edilýär.
