Maýk Pens amerikaly kosmonawtlaryň Aýa iberilmegi barada çagyryş berdi

ABŞ-niň Wise-prezidenti Maýk Pens amerikaly kosmonawtlaryň 5 ýylyň içinde Aýa iberilmegi barada çagyryş berdi

1171712
Maýk Pens amerikaly kosmonawtlaryň Aýa iberilmegi barada çagyryş berdi

Milli Kosmos geňeşiniň ýolbaşçylygyny eden Pens, geňeşiň Hantswill şäherindäki maslahatynda NASA-nyň işlerini ýeňilleşdirjek kosmonawtlaryň 5 ýylyň içinde Aýyň günortasyna iberilmelidigini nygtady.

NASA-nyň bu maksat üçin ähli usullaryň ulanmalydygyny aýdan Pens, gerek bolsa NASA raketalarynyň we ulaglarynyň ýerine hususy kärhanalar tarapyndan öndürilen enjamlaryň ulanylmalydygyny belledi.

Maýk Pens: “Tagallalarymyzy 2 esse artdyrmalydyrys. Bu bolup biler, emma tempimizi artdyrmasak bolmaz” diýdi.

NASA-nyň başlygy Jim Bridenstaýn bolsa, 2024-nji ýyla çenli Aýa kosmonawt ibermek üçin ellerinden gelen ähli zady etjekdiklerini, ol taslama üçin mega raketalaryň gerek bolup biljkekdigini mälim etdi.

Hünärmenler bolsa 2028-nji ýyla çenli Aýa kosmonawt ugratmagyň mümkin däldigini aýdan NASA-nyň 2024-nji ýyla çenli onuň hötdesinden geljekdigi baradaky beýanatyna şübhe bilen garaýar.

ABŞ-niň Aýa adam ugratmagyna şu ýylyň tomus aýynda 50 ýyl dolýar. Apollo kosmonawtlarynyň birinji we soňky gezek 1972-nji ýylda Aýyň üstünde ýöremeginden soň hiç bir ýurt Aýa adam iberip bilmedi.


Etiketkalar: #Aý , #Maýk Pens , #ABŞ , #NASA

Degişli Habarlar