Ýermakow: “Waşingtonyň synanşyklary ABŞ-nyň ýarag bazarynda güýçden gaçýandygyny görkezýär”
Bu barada Russiýanyň Daşary işler ministrliginiň Ýaraglara gözegçilik departamentiniň başlygy Wladimir Ýermakow beýannama berdi
Russiýanyň Daşary işler ministrliginiň Ýaraglara gözegçilik departamentiniň başlygy Wladimir Ýermakow resmi Waşingtonyň S-400 raketa goranyş ulgamynyň gowşurylmagynyň öňüni alma synanşyklarynyň ABŞ-nyň ýarag bazarynda güýçden gaçýandygyny görkezýändigini aýtdy.
Ýermakow “RİA Nowosti” habarlar gullugyna beren beýanatynda, Türkiýe bilen gol çekişilen S-400 raketa goranyş ulgamlarynyň satuwy baradaky ylalaşygyň bellenen tertipde dowam edýändigini nygtady.
Ylalaşygyň 2019-njy ýylyň ahyrynda tamamlanmagyna garaşýandygyny beýan eden Ýermakow; “Resmi Waşingtonyň ylalaşygy bozmak üçin Ankara basyş etmäge synanşýandygyny görýäris” diýdi.
ABŞ-nyň synanşyklaryny global ýarag söwdasyndaky bäsdeşine syýasy taýdan zeper ýetirme göçümi hökmünde häsýetlendirýändiklerine ünsi çeken Ýermakow: “Ol, şol bir wagtda amatly harytlary hödürlemegiň hötdesinden gelip bilmeýän ABŞ-nyň global ýarag bazaryndaky pozisiýasynyň gowşandygyny görkezýär” diýdi.
Degişli Habarlar
Ysraýylly Ýesirleriň Hossarlary Protest Ýörişlerini Dowam Etdirýär
Protestçylar Netanýahunyň ýolbaşçylygyndaky hökümetden ýesirleriň yzyna getirilmegini talap etdi.
