Hytaýyň Wise-premýeri ABŞ-e sapar gurar
Hytaýyň Söwda ministrligi, Wise-premýer Liu Hynyň söwda gepleşikleriniň 7-nji maslahatyna gatnaşmak üçin ABŞ-e gitjekdigini habar berdi
Ministrlik tarapyndan berilen maglumata görä, Wise-premýer Liu Hy, Hytaýyň Döwlet başlygy Si Szinpiniň ýörüte wekili hökmünde 21-22-nji fewral aralygynda ABŞ-e gidip, ol ýerde geçiriljek Ýokary derejeli Hytaý-ABŞ gepleşiklerine gatnaşar.
Liu gepleşikleriň çäginde ABŞ-niň Gazna ministri Stiwen Mnuçin we Söwda ministri Robert Laýthaýzer bilen duşuşyklar geçirer.
Hytaýda 14-15-nji fewralda geçirilen söwda gepleşiklerinde iki tarapyň umumy bähbitleri bolan tehnologik tabşyryklar, intellektual eýeçiligiň hukuklarynyň goralmagy, salgyt ýeňilligi, hyzmat we oba-hojalyk pudaklary, söwda deňagramlylygy ýaly ugurlarda gepleşikler geçirilendigi we esasy ugurlar boýunça umumy pikire gelinendigi beýan edilipdi.
Hytaýyň Döwlet başlygy Si Szinpin hem ABŞ-niň Gazna ministri Stiwen Mnuçini we Söwda ministri Robert Laýthaýzeri gepleşikleriň çäginde kabul edip, ABŞ-e: “Hyzmatdaşlyk iki tarapyň hem bähbidine, çaknyşyk iki tarapy hem ýaralar. Hyzmatdaşlyk iň gowy wariant” diýip çagyryş beripdi.
Degişli Habarlar
Ysraýyl 201 Günden Bäri Gazany Bombalaýar
Gaza Sektorynda ýogalanlaryň sany soňky 24 sagatda 79 adam artyp 34 müň 262 adama ýetdi.