Mahmud Abbas BMG-nyň Baş sekretary Guterreş bilen duşuşdy

Palestinanyň Prezidenti Mahmud Abbas, BMG-nyň Baş sekretary Antoniu Guterreş bilen duşuşdy.

Abbas Palestinanyň BMG-da ösüp barýan ýurtlardan ybarat G77+Hytaý toparynyň döwürleýin ýolbaşçylygyny kabul edip almagyna bagyşlanan dabaranyň öňüsyrasynda BMG-nyň Baş sekretary Guterreş bilen duşuşdy.

Abbas metbugata ýapyk häsiýetinde geçirlen duşuşykdan soň žurnalistleriň Palestinanyň BMG-na doly agzalyk üçin ýüz tutup tutmajakdygy hakyndaky soragyna jogap bermek islemedi.

Abbasyň saparyna ýoldaşlyk edýän Palestinanyň BMG-nyň ýanyndaky hemişelik wekili Riýad Mansur bolsa Abbas-Guterreş duşuşygynyň netijeli geçendigini aýtdy.

BMG-nyň Baş Assambleýasynda oktýabr aýynda Palestinanyň ösüp barýan ýurtlardan ybarat G77+Hytaý toparynyň ýolbaşçylygyny öz üstüne almagy barada karar kabul edilipdi.

Palestinanyň döwürleýin ýolbaşçylygyna 146 ýurt goldaw beripdi, ABŞ, we Ysraýyl bilen Awstraliýa bolsa garşy çykypdy.

BMG-na agza bolmadyk Palestina, G77+Hytaý toparynyň başlygy hökmünde toparyň adyndan beýanat bermek, teklip hödürlemek we agza ýurtlar ýaly hereket etmek hukugyndan peýdalanar