Owganystanda terror guramasy DAIŞ-e garşy operasiýa geçirildi

Operasiýada 16 terrorçy öldürildi

1116096
Owganystanda terror guramasy DAIŞ-e garşy operasiýa geçirildi

 

Owganystanyň gündogaryndaky Nangarhar welaýatynda, terror guramasy DAIŞ-e garşy geçirilen operasiýada guramanyň 16 agzasy öldürildi.

Nangarharyň gubernatorlygynyň metbugat sekretary Ataullah Hogýani, howpsyzlyk güýçleriniň Nangrahar welaýatynyň Açin etrabynda terror guramasy DAIŞ-e garşy hem gury ýerden hem-de howadan operasiýa gurandygyny mälim etdi.

Operasiaýda DAIŞ-e agza 16 terrorçynyň öldürilendigini aýdan Hogýani, öldürilen terrorçylaryň arasynda guramanyň ýolbaşçylaryndan Hattab Bajuriniň hem bardygyny habar berdi.

Hogýani operasiýada asuda ilata zeper ýetmändigini sözleriniň üstüne goşdy.


Etiketkalar: #Nangarhar , #DAIŞ

Degişli Habarlar