“Türk hyzmatdaşlarymyza ynanmazlyk üçin hiç hili sebäp görmeýäris”

Kremliň metbugat geňeşçisi Dmitriý Peskow, ABŞ-niň Patriot ulgamlarynyň Türkiýä satylmagynyň Rus S-400 ulgamlarynyň satuw etaby bilen arabaglanşykly däldigini we rus-türk ylalaşygynyň dowam edýändigini habar berdi.

Peskow ABŞ-niň Türkiýä Patriot howa we raketa goranyş ulgamlaryny satmak etabynyň Russiýanyň S-400 howa goranyş ulgamlarynyň satuwy bilen arabaglanşykly bolmandygyna ünsleri çekip: “Häzirki wagtda türk kärdeşlerimiz bilen baglaşylan ylalaşygymyzyň düzgünlerini berjaý edýäris. Bilişiňiz ýaly, S-400 taslamasy we ylalaşygy taýarlyk çäginde we bu mundan beýläk hem dowam eder” diýip habar berdi.

Türkiýäniň S-400 howa goranyş ulgamlary bilen bagly maglumatlary aýan etmejekdigini aýdan Peskow, Russiýanyň beýleki ýurtlar bilen edýän harby-tehniki hyzmatdaşlygynda tankydy maglumatlaryň paýlaşylmazlygy babatynda kanuny jogapkärçilikleriniň bardygyny beýan etdi.

Peskow: “Türk hyzmatdaşlarymyza ynanmazlyk üçin hiç hili sebäp görmeýäris” diýip nygtady.

ABŞ-niň Döwlet sekretarlygy 3,5 milliard dollar gymmadyndaky Patriot howa we raketa goranyş ulgamlarynyň Türkiýä satylmagyny makullapdy.