Indoneziýada ýer titremesinde we sunami apatynda ýogalanlaryň sany 1763 adama ýetdi

Indoneziýanyň Sulawesi adasynda Palu we Dongaladaky ýer titremesinde we sunami apatynda ýogalanlaryň sany 1763 adama ýetdi.

Tebigy apatda ýogalanlaryň sanynyň anyklanylmagy işleri dowam edýär.

Ýer titremesinde we sunami apatynda 2600-den gowrak adamyň ýaralanandygy we häzire çenli 1755 jesediň jaýlanandygy nygtaldy.

67 müň ýaşaýyş jaýynyň we 3 müň mekdebiň ýykylandygy, 63 müň adamyň çadyrlarda ýaşaýandygy ýatladyldy.

Tebigy apat sebäpli häzire çenli 658 million dollarlyk ýitgi çekilendigi bellenildi.

Palu we Dongalada gözleg we halas ediş işlerine 7 müňden gowrak adam gatnaşýar.