Iordaniýanyň Daşary işler ministri rus kärdeşi bilen Siriýa krizisini maslahatlaşdy

Iordaniýanyň Daşary işler ministri Eýmen Es-Safedi Russiýanyň Daşary işler ministri Sergeý Lawrow bilen Siriýa krizisini ara alyp maslahatlaşdy

919033
Iordaniýanyň Daşary işler ministri rus kärdeşi bilen Siriýa krizisini maslahatlaşdy

Iordaniýanyň Daşary işler ministrliginiň berýän habaryna görä Safedi Sergeý Lawrow bilen geçiren telefon söhbetdeşliginde sebitde başdan geçirilen soňky wakalar bilen Siriýa krizisine BMG-nyň Howpsyzlyk geňeşiniň “Siriýada hüjümleriň gyssagly ýagdaýda bes edilmegi we ýurtda syýasy çözgüdiň üpjün edilmegi” bilen bagly 2254 belgeli karara laýyklykda syýasy çözgüdiň tapylmagy meselesini maslahatlaşdylar.

Safedi BMG-nyň Howpsyzlyk geňeşiniň Siriýada hüjümleriň bes edilmegi we Iordaniýada serhedindäki Er-Rukban sebitindäki siriýaly bosgunlara ynsanperwer kömekleriň ýetirilmegini öz içine alýan 2401 belgeli kararyň möhümdigini belläp geçdi.

Lawrow bolsa Asada bagly güýçleriň gabawy astyndaky Gündogar Guta boýunça kabul edilen günde 5 sagatlyk ynsanperwer arakesme kararynyň üstünde durup geçdi.  

BMG-niň Howpsyzlyk Geňeşi 24-nji fewralda Siriýada ynsanperwer kömekleriniň ýetirilmegi we esasanda hökümetiň gabawy astyndaky Gündogar Gutada agyr hassalaryň we ýaralylaryň halas edilmegi üçin azyndan bir aý möhlet bilen hüjümleriň bes edilmegi barada karara gelinendigini habar beripdi.



Degişli Habarlar