Owganystanyň paýtagty Kabulda kamikaze hüjümi guraldy
Wakada 9 adam ýogaldy
Owganystanyň paýtagty Kabuldaky toý mekanlarynyň biriniň girelgesinde guralan kamikaze hüjüminde 9 adam ýogaldy.
Içeri işler minstrliginiň metbugat geňeşçisi Najib Daniş kamikaze hüjümçiniň üstündäki bombany Kasry Nawin atly toý mekanynyň girelgesinde partladandygyny habar berdi.
Hüjümde ilkinji kesgitlemelere görä polisiýa gullugynyň 7 işgäri bilen asuda ilatdan 2 adamyň ýogalandygyny aýdan Daniş hüjümde şeýle hem 9 adamyň ýaralanandygyny mälim etdi.
Daniş hüjümçiniň toý mekanynyň içinde ýygnak geçirýän Jemiýeti Yslam partiýasynyň agzalaryny nyşana almak isländigini habar berdi.
Şaýatlar hüjümçiniň toý mekanyna girmäge synanyşan mahaly polisiýa tarapyndan görülendigini we üstündäki bombany partadandygyny bellediler.
Hüjümiň jogapkärçiligini terror guramasy DAIŞ öz üstüne aldy.
Degişli Habarlar
Awstraliýada buthanalaryň birinde pyçakly hüjüm guraldy
Awstraliýanyň Sidneý şäherindäki buthanalaryň birinde pyçak bilen guralan hüjümde 4 adam ýaralandy
Russiýadaky sil apaty sebäpli suwuň aşagynda galan öýleriň sany artýar
Russiýadaky sil apaty sebäpli suwuň aşagynda galan öýleriň sany 15 müňden geçdi
