Eýranyň ozalky Prezidenti Mahmud Ahmedinežadyň dogany ýogaldy
Eýranyň ozalky Prezidenti Mahmud Ahmedinežadyň iki gün ozal ýogalan dogany Dawud Ahmedinežad düýn Tähranda jaýlandy
820925
Eýranyň ýarym resmi habarlar agentligi Tasnimiň berýän habaryna görä Dawud Ahmedinežad Ensarul Mehdi metjidinde okalan jynaza namazyndan soň paýtagt Tähranyň günortasyndaky Beheşti Zehra gonamçylygynda jaýlandy.
Jynaza Mahmud Ahmedinežad bilen birlikde Tähran welaýatynyň ozalky häkimi Murtaza Temeddün we ýurdyň ozalky ministrleri gatnaşdylar.
Eýranyň Ynkylap goragçylary we Içeri işler müdürliginde tapawutly wezipelerde işlän 67 ýaşly Dawud Ahmedinežad düýn Tährandaky hassahanalaryň birinde ýogalypdy.
