Yragyň Ýaragly güýçleri Telaferiň uly bölegini basyp aldy
Yragyň Ýaragly güýçleri türkmen şäheri Telaferiň uly bölegini terror guramasy DAIŞ-den basyp aldy
Telaferiň töweregindäki 47 obadan 38-i Yragyň howpsyzlyk güýçleri tarapyndan basylyp alynyp, bomba ýüklenen 72 ulag täsirsiz ýagdaýa getirildi.
Eýýäm 8 gün dowam edýän operasiýada 370 terrorçy täsirsiz ýagdaýa getirildi, sebitde ýaşaýan 16600 türkmen howpsyz ýerlere göçürildi.
40 müň esger bilen geçirilen Telafer operasiýasynda 29 etrapça dolulygyna Yragyň Ýaragly güýçleriniň eline geçdi.
Ele geçirilen ýerleriň arasynda Telaferde terror guramasy DAIŞ-e agza terrorçylaryň adamlary gynamak üçin ulanan tussaghana hem bar.
Telaferde terror guramasynyň agzalarynyň garşylyk görkezýän käbir ýerlerinde bolsa çaknyşyklar dowam edýär.
Etrapdan gaçan terrorçylar 11 km uzaklykdaky Eýaziýe diýilen ýerde gabaw astyna alyndy.
Yrakly resmiler Eýaziýeniň hem basylyp alynmagyndan soň gutarnykly ýeňişi yglan etmegi meýilleşdirýärler.
Degişli Habarlar
Gazada Ýogalanlaryň Sany 33 Müň 970 Adama Ýetdi
Ysraýylyň harby goşuny 195 günden bäri Gaza Sektoryny bombalaýar.
Ysraýyl Bilen Hizbullahyň Arasyndaky Çaknyşyklar Dowam Edýär
Ysraýyl, Liwanyň günortasynda ýerleşýän Hiýam etrapçasyna hüjüm gurady.