Eýranyň hökümeti ABŞ-a nägilelik bildirdi
Kongresde we Senatda geçen hepde tassyklanan embargolar Eýranyň ballistik raketa programasyna we terror guramalaryna berýän goldawlaryna esaslanýar
Eýran Amerikanyň Birleşen Ştatlarynyň Prezidenti Donald Trampyň tassyklamagy bilen güýje giren embargolaryň 2015-nji ýylda gazanylan ýadro ylalaşygyna ters gelýändigini habar berdi.
Eýranyň Daşary işler ministriniň orunbasary Abbas Arakçi mesele bilen baglanşykly ISNA habarlar agentligine beren beýanatynda: “Biziň pikirimizçe ýadro ylalaşygyň düzgünleri bozuldy. Meselä garşy dogry we proporsional reaksiýa bildireris” diýdi.
Kongresde we Senatda geçen hepde tassyklanan embargolar Eýranyň ballistik raketa programasyna we terror guramalaryna berýän goldawlaryna esaslanýar.
ABŞ-nyň Daşary işler ministrligi embargolaryň eýranly 18 gurama ýa-da şahsyýete ýaramaz täsir ýetirjekdigini habar beripdi.
Degişli Habarlar
Malaýziýada 2 harby dikuçar çakyşdy
Malaýziýada 2 harby dikuçaryň çakyşmagy netijesinde 10 adam ýogaldy
