ABŞ-nyň Döwlet sekretary Reks Tillerson Türkiýede saparda bolar
ABŞ-nyň Daşary işler ministrligi tarapyndan berilen ýazmaça beýanatda Tillersonyň 9-10-njy iýylda Stambula gelip, ýokary derejeli türk resmiler bilen duşuşjakdygy mälim edildi
Beýanatda Reks Tillersonyň Amerikanyň Birleşen Ştatlarynyň Prezidenti Donald Trampyň Germaniýada geçiriljek G-20 maslahatyna ýoldaşlyk etjekdigi, ondan soň bolsa 9-njy iýulda Ukrainanyň paýtagty Kiýewe baryp ýurdyň Prezidenti Petro Poroşenko bilen duşuşjakdygy habar berildi.
Beýanatda Kiýewe gurajak saparyndan soň Tillersonyň Stambula geljekdigi we 9-10-njy iýul aralygynda ol ýerde türk resmiler bilen ikiçäk we sebitleýin gepleşikleri ele aljakdygy bellendi.
Soňky gezek 30-njy martda Ankara sapar guran Reks Tillersonyň bu saparynda terror guramasy PÝD/PKK-nyň Siriýadaky hereketleri, Fetullahçy terror guramasynyň lideri Fetullah Güleniň yzyna Türkiýä gaýtarylyp berilmegi we Katar bilen käbir Arap ýurtlaryň arasyndaky krizisiň çözgüdi bilen bagly meseleleriň ele alynmagyna garaşylýar.
Degişli Habarlar
Malaýziýada 2 harby dikuçar çakyşdy
Malaýziýada 2 harby dikuçaryň çakyşmagy netijesinde 10 adam ýogaldy