ABŞ Siriýa ýaňadandan hüjüm gurap biler

Ak Tamyň metbugat geňeşçisi Şon Spaýser Siriýa täze hüjümleriň guralyp bilinjekdigini habar berdi.

Spaýser gündelik metbugat ýygnagynda: “Eger bäbeklere himiki ýarag bilen, bigünä adamlara garşy bolsa barrel bombalary bilen hüjüm guraýan bolsaňyz, onda Prezidentden jogap alarsyňyz. ABŞ-nyň Ýakyn Gündogardaky esasy meselesi DAIŞ-dir, emma Asadyň ýolbaşçylygynda asuda we howpsyz bir Siriýa göz öňümize getirip bilmeýäris” diýdi.

ABŞ-nyň Goranmak ministri James Mattis bolsa 6-njy aprelde Şaýrat howa bazasyna guralan hüjümde Asada bagly güýçleriň 20 göterim uçarynyň ýok edilendigini mälim etdi.

Mattis beren ýazmaça beýanatynda: “Prezident Donald Tramp geljekde himiki ýaraglaryň ulanylmagynyň öňüni almak mksady bilen we Asadyň halkara jemgyýete ýok edilendigi bellenen himiki ýaraglar bilen asuda ilaty öldürýärkä ABŞ-nyň sessiz galmajakdygyny görkezmek üçin bu buýrugy berdi” diýdi.

Beýanatda: “Şaýrat howa bazasy aglaba mümkinçiliklerinden mahrum galdy, bu ýerde uçuş meýdançalarynyň ulanylyp bilinmeginiň harby taýdan möhüm däl” diýdi.

Mattis Siriýanyň hökümediniň ýende himiki ýarag ulanylmagynyň akmak bir hereket boljakdygyny nygtady.