Boko Haram tarapyndan zamun alynan 276 gyzdan ýene-de 21-i boşadyldy

Boko Haram tarapyndan 2009-njy ýyldan bäri guralýan hüjümlerde 17 müňe golaý adam ýogaldy

636873
Boko Haram tarapyndan  zamun alynan 276 gyzdan ýene-de 21-i boşadyldy

Nigerýada 2014-nji ýylda terror guramasy Boko Haram tarapyndan mektebe guralan hüjümde zamun alynan 276 gyzdan ýene-de 21-i boşadyldy.

Prezidentiň metbugat geňeşçisi Garba Shehu mesele hakynda beren beýanatynda terror guramasy tarapyndan zamun alynanlardan ýene-de 21 gyzyň boşadylandygyny aýtdy.

Beýanatda ýurduň Borno welaýatynda gurama garşy soňky 1 aýda guralan operasiýalarda azyndan 2 müň adamyň halas edilendigi nygtaldy.

Terror guramasy Boko Haram Borno welaýatynyň Çibok şäherinde gyzlaryň bilim alýan ýatymlaýyn mekdebine 2014-nji ýylyn 14-nji aprelinde guran hüjüminde 276 gyzy zamun alypdy.

Şol gyzlardan 57-si guramanyň hataryndan gaçmagy başarypdy emma 219 gyzdan hiç hili habar alnyp bilinmeýärdi.

Boko Haram tarapyndan 2009-njy ýyldan bäri guralýan hüjümlerde 17 müňe golaý adam ýogaldy.



Degişli Habarlar