Pakistanda datly iýen 23 adam ýogaldy
Pakistanda datly satýan dükandan satyn alan datlyny iýen 23 adam ýogaldy
Penjap welaýatynyň Karor Lal Esan sebitinde ýaşaýan Ömer Haýat 17-nji aprelde agtygynyň doglan gününi bellemek üçin datly satyn aldy.
Emma datlyny iýen Ömer Haýat, onuň 7 dogany we 2 çagasy jemi 10 adam ýogaldy.
Içeri işler müdürligi tarapyndan berilen beýanatda şol datly dükandan datly alyp ýogalan adamlaryň sanynyň 23-e ýetendigi mälim edildi.
Zäherlenen 52 adamyň bejergiler hassahanalarda dowam edýär.
Datly satýan dükanynyň golaýynda mör-möjekleri öldürýän dermanlary satýan dükanyň bardygy we ol ýerde abatlaýyş işleri geçirilemegi sebäpli dermanlaryň wagtlaýynça datly dükanyna goýulandygy bellendi.
Polisiýa gullugy datly bişirýäniň ýalňyşlyk bilen mör-möjek dermanlaryndan ulanan bolup biljekdigini nygtaýar.
Datly dükanyny dolandyran 2 dogan we 1 işgär göz tussaglygyna alyndy.