"Tälim ber-üpjün et"meýilnamasy geljek aý başlaýar
Meýilnamanyň çäginde geljek aý Amerikanyň ýaragly güýçlerinden 400 esger oppozisionlere harby taýdan tälim bermäge başlar
Siriýaly oppozisionerler tarapyndan gurlan Siriýanyň wagtlaýyn hökümetiniň Premýer ministri Ahmet Tuma “Tälim ber-üpjün et”meýilnamasynyň çäginde geljek aý Amerikanyň ýaragly güýçlerinden 400 esgeriň oppozisionlere harby taýdan tälim bermäge başlajakdygyny aýtdy.
Tuma Anadoly habarlar gullugyna beren beýanatynda siriýaly oppozisionerlere harby taýdan tälim berilmegine uly ähmiýet berýändiklerini nygtady we ABŞ-nyň Merkezi güýçlerinden general leýtenant Mişel Nagatanyň geçen hepde Stambulda Siriýanyň Milli Koalisiýasynyň ýolbaşçylary bilen duşuşandygyny ýatlatdy.
Tuma harby taýdan bilim alan oppozisionerleriň siriýanyň halkynyň bähbidini nyşana alan ähli güýçlere gary göreşjekdigini belledi.
Ahmet Tuma asla radikal toparlar bilen gepleşik geçirmejekdiklerini aýtdy.
