Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
Al Kudus al arabi: ABŞ diplomatlaryny Kabuldan çykarmak we goramak üçin sebite wagtlaýyn häsýetde 3000 esger ugradar.
Aljazeera: Taliban Gaznanyň gözegçiligini ele geçireninden soň Kabula golaýlady. Hökümet operasiýalaryny bes eden halatynda ygtyýary özleri bilen paýlaşyp biljekdiklerini beýan etdi.
Aldustour: Russiýa: "Sputnik sanjymy Delta görnüşine garşy 83 göterim täsirli" diýip habar berdi.
focus.de: Talibanyň hüjümlerini artdyrmagy sebäpli Federal hökümet nemeslere Owganystany iň gysga wagtda terk etmekleri barada çagyryş berdi.
spiegel.de: Germaniýanyň Daşary işler ministri Haýko Maas: "Taliban ýurdy dolulygyna ele geçirse Owganystana bir sent hem berilmez" diýip aýan etdi.
Frankfurter Allgemeine Zeitung: Owganystan: Türkiýäniň Prezidenti Rejep Taýýip Erdogan Taliban bilen duşuşyp biljekdigini habar berdi.
El Mundo (Ispaniýa): Ispaniýanyň sanjymy gijä galmaz: "Içindäki protein emele gelip biljek koronawirusyň täze görnüşlerine garşy özgerdip biliner" diýip mälim edildi.
La Jornada (Meksika): Wenesuelanyň Döwlet baştutany Nikolas Maduro oppozisiýa bilen geçiriljek gepleşiklerden ozal beýanat berdi: "Şantažlary kabul etmeris" diýip habar berdi.
El Komersio (Peru): Boliwiýanyň ozalky Döwlet baştutany Ewo Morales, koronawirus epidemiýasynyň biologik söweşiň bir bölegidigini öňe sürdi.
RIA Nowosti: Woronež şäherinde duralgada duran awtobusyň partlamagy netijesinde 1 adam ýogaldy, 19 adam ýaralandy.
TASS: Russiýanyň Içeri işler ministrligi Azerbaýjanyň Belarussiýadaky ozalky ilçisi Isfandiýar Wahapzadeniň Russiýa girişini 50 ýyllygyna gadagan etdi.
RT: Russiýanyň Goranmak ministri Sergeý Şoýgu hytaýly kärdeşi Wei Fenghe bilen geçiren duşuşygynda iki ýurdyň harby hyzmatdaşlygynyň artdyrylmagynyň gerekdigini belledi.
Le Parisien: Fransiýada aşa yssy howa: 5 sebit entegem narynç duýduryş derejesinde.
Le Monde:Bu gezek gözegçilik edilmejek ýagdaýda: Alžirde halk, ýurdyň Kabiliýe sebitine ýaramaz täsir ýetiren tokaý ýangynlarynyň öňünde çäresiz.
Le Figaro: Marokko we Ysraýyl ikitaraplaýyn häsýetde ilçihana açarlar.