Kalyn: “ABŞ terror guramalaryny legallaşdyrmagyny bes etmeli”
Prezidentiň metbugat sekretary Ibrahim Kalyn ABŞ-nyň terror guramalaryny legallaşdyrmagyny bes etmelidigini nygtady
Twitter hasabyndan beýanat beren Ibrahim Kalyn ABŞ-nyň Merkezi güýçler serkerdeligi CENTCOM-yň twitterdäki hasabyndan PÝD/ÝPG-niň hyýanatçy terror guramasy PKK bilen arabaglanşygynyň ýokdugyny öňe sürüp beren beýanatyna nägilelik bildirdi.
CENTCOM-yň beýanatynyň terror guramasyny duzdurmagyň ýerine kanunylaşdyrýandygyny bellän Kalyn: “Bu bir oýunmy ýa-da CENTCOM logikasyny ýitirdimi? Hakykatdanam muňa biriniň ynanjakdygyna ynanýarsyňyzmy? ABŞ terror guramalaryny legallaşdyrmagyny bes etmeli” diýdi.
CENTCOM düýn twitter arkaly beren beýanatynda aglaba bölegi PKK-nyň Siriýadaky goly bolan PÝD/ÝPG tarapyndan ybarat bolan Siriýanyň Demokratik Güýçleriniň (SDG) “PKK bilen arabaglanşygymyz ýok” diýip beren beýanatyny paýlaşyp PÝD goldaw berdi.
CENTCOM: “SDG-nyň PKK bilen hiç hili arabaglanşygynyň ýa-da gatnaşygynyň ýokdugyny tassyklaýar” diýip PÝD goldaw berdi.