"فنرباخچا" و "بشیکتاش"ین موسابیقه لری ت.ر.ت-ده

یوفا آوروپا لیگی یئنی فورماتی ایله ایلک دفعه ت.ر.ت کانال‌لاریندا یاییم‌لانا‌جاق. نوماینده‌لریمیزین بوتون اویون‌لاری ت.ر.ت 1 و تابی(Tabi) پلتفرما‌لاریندا شیفره‌سیز (رمزسیز) اولا‌راق جانلی یاییم‌لانا‌جاق.

فنرباغچانین آوروپا لیگینده موباریزه‌سی بو گون بلژیک‌ین یونیون ژسن ژیل تیمینه قارشی باشلایا‌جاق. اؤتن مؤوسومده کنفرانس لیگی‌نین 1/16 فینالیندا فنرباغچا بو رقیبی قارشی‌سیندا تور آتلامیشدی. اولکر ایستادیوموندا باش توتا‌جاق اویون بو آخشام تورکیه واختی ایله ساعات 19:45-ده ایستارت گؤتوره‌جک و فرانسیز داور بنوا باستین طرفیندن ایداره اولونا‌جاق.

یوفا آوروپا لیگینده‌کی دیگر نوماینده‌میز بشیکتاش هلندین آژاکس تیمی ایله سفرده قارشی‌لاشا‌جاق. بشیکتاش آژاکس ایله اوولکی 6 گؤروشون هامی‌سیندا مغلوب اولموش‌دور. بو دفعه گؤروش آمستردام‌داکی یوهان کرایف آرئنادا تورکیه واختی ایله ساعات 22:00-دا باشلایا‌جاق و اویونو اینگیلتره‌لی داور جان بروکس ایداره ائده‌جک.