"تراکتور" تبریزده مغلوب اولدو

ایران شامپیوناتیندا نؤوبتی تورون اویون‌لاری کئچیریلیب.

تبریز نوماینده‌سی "تراکتور" دا نؤوبتی ماتچینا چیخیب.

تبریز کلوبو 4-جو تور چرچیوه‌سینده "ذوب آهن" ایله قارشیلاشیب. تراکتور دوغما میداندا اوز-اوزه گلدیگی رقیبینه اودوزوب – 0:1.

67-جی دقیقه‌ده مغلوب دوروما دوشن تبریزلیلر 74-جو دقیقه‌ده آزلیقدا دا قالیب‌لار و مؤوسوم‌ده‌کی ایلک مغلوبیت قاچیلماز اولوب.

مؤوسومه ایناملی باشلامیش "تراکتور" حاضیردا 4 اویونا توپلادیغی 7 خاللا 16 ایشتیراکچی آراسیندا 2-جی پیله‌ده قرارلاشیب. "قوردلار"ین شامپیونات‌داکی نؤوبتی ماتچی سپتامبرین 22-ده سفرده " خیبر خرم آباد"ا قارشی اولا‌جاق. بوندان اؤنجه ایسه "تراکتورچولار" آسیا شامپیون‌لار لیگی چرچیوه‌سینده " الوکرا " ایله گؤروشه‌جک. قطر تمثیلچی‌سی ایله اویون سپتامبرین 18-ده سفرده باش توتا‌جاق.