ایفل عائله‌سی ایفل بورجوندان المپیک حالقالارینین قالدیریلماسینی ایسته‌دی
فرانسانین ان بیلینن توریستیک مکانلاریندان بیری اولان ایفل بورجوندا‌کی المپیک حالقالارینین، بورجون "طرفسیزلیگینه و احتیوا ائتدیگی آنلاما" ضد اولا بیله‌جگی ایفاده ائدیلدی
فرانسانین مشهور تاریخی سمبلو ایفل بورجونو تیکه‌ن مهندس گوستاو ایفلین عائله‌سی، اؤلکه‌نین ائو صاحبلیگی ائتدیگی ۲۰۲۴ پاریس المپیک اویونلاری سببی ایله پاریس بلدیه‌سینین بورجا یئرلشدیردیگی المپیک حالقالارینی قالدیرماسینی ایسته‌دی.
ایفل عائله‌سی درنه‌گی آگده‌نین سایتیندان وئریلن شرحده، اؤلکه‌نین ان بیلینن توریستیک مکانلاریندان بیری اولان ایفل بورجوندا‌کی المپیک حالقالارینین، بورجون "طرفسیزلیگینه و احتیوا ائتدیگی آنلاما" ضد اولا بیله‌جگی ایفاده ائدیلدی.
عائله، پاریس بلدیه‌سینین المپیک سمبلو اولاراق حالقالاری بورجده توتما پلانی داخیل "اثرین سایغینلیغینا منفی تأثیر ائد‌جک هر جور دییشیکلیگه" قارشی چیخاجاقلارینی قئید ائتدی.
رنگلی و بؤیوک المپیک حالقالارینین بورجون شکلی و ساده فورمو ایله تضاد میدانا گتیردیگینی دیله گتیره‌ن عائله، پاریس بلدیه‌سیندن المپیک ایشاره‌لرینی بو ایل سونونا قدر قالدیرماسینی ایسته‌دی.
پاریس بلدیه‌سی ان آز ۲۰۲۸ لس آنجلس المپیک اویونلارینا قدر، رنگلی المپیک حالقالارینین بورجدا توتماغی پلانلاییر.
۲۶ جولای-۱۱ آگوست تاریخلرینده اؤلکه‌نین ائو صاحبلیگی ائتدیگی پاریس المپیک اویونلارینین آچیلیشیندان اول ایفل بورجونا ۲۹ متر گئنیشلیگینده، ۱۵ متر یوکسکلیگینده و ۳۰ تون آغیرلیغیندا ۵ المپیک حالقاسی یئرلشدیریلمیشدی. حالقالارین ۸ سپتامبردا سونا چاتان پاریس پارالیمپیک اویونلارینین آردیندان قالدیریلماسی گؤزله‌نیلیردی.
سن چایی ساحلینده‌کی شان دو مارس میدانینا فرانسا اینقیلابینین ۱۰۰.جو ایل قوتلامالاری خاطره‌سینه ۱۸۸۷-۱۸۸۹ ایللری آراسیندا آدینی آلدیغی تیکینتی مهندسی گوستاو ایفل طرفیندن تیکیله‌ن ۳۳۰ متر یوکسکلیگینده‌کی بورج، هر ایل تخمیناً ۷ میلیون توریست طرفیندن گزیلیر.
ایلگیلی‌لی خبرلر
تورکیه مونته نگرونو تک قول ایله مغلوب ائدیب
یوفا میللت‌لر لیگینده قروپ مرحله‌سی‌نین 3-جو تورو داوام ائدیر.
