تورکیه پاریس‌دن ۲۸ مدال ایله قاییتدی
تاریخینین ان یاخشی پارالمپیک اویونلارینی گئچیره‌ن تورکیه، ۱۰ فرقلی ساحه‌ده ۶سی قیزیل، ۱۰و گوموش،۱۲سی بورونج ۲۸ مدال قازاندی
تورکیه، پاریس ۲۰۲۴ پارالمپیک اویونلارینی ۲۸ مدال آلاراق تاماملادی و اؤز رکوردونو قیردی.
تاریخینین ان یاخشی پارالمپیک اویونلارینی گئچیره‌ن تورکیه، ۱۰ فرقلی ساحه‌ده ۶سی قیزیل، ۱۰و گوموش،۱۲سی بورونج ۲۸ مدال قازاندی.
بیر چوخ باخیمدان تاریخه گئچه‌ن اویونلار ۶ قیزیل مدال‌ایله ریو ۲۰۱۶داکی ۳ قیزیل مدالی ۲ قات گئچه‌ن تورکیه، توکیو ۲۰۲۰ده قازاندیغی جمعی مدال ساییسینی دا هاراداسا ۲یه چیخارتدی و اویونلاری ۲۸ مداللا بیتیردی.
پاریس ۲۰۲۴ پارالمپیک اویونلاریندا ۱۱.جی گونده پارا جودوچو ابراهیم بؤلوک‌باشی کیشیلر +۹۰ کیلو ژ۲ کتگوریسینده، اومود اونلو ده اوزمه کتگوریسینده کیشیلر ۲۰۰ متر سربست س۳ صینیفینده قیزیل مدال قازاندی.
اونلو، پاریسده ایکینجی قیزیل مدالینی قازاناراق عینی اویونلاردا ایکی شامپیونلوق قازانان ایلک تورک ایدمانچی اولدو.
اومود اونلو، ۵۰ متر سربستده قیزیل مدال قازاناراق تاریخی بیر موفقیته ایمضا آتمیشدی.
میللی ایدمانچی سیبل چام هالترده، نازان آکین گونش ده جودودا بورونج مدال الده ائتدی.
