میللی تکواندوجو نافیا کوش آیدین بورونج مدال قازانیب

میللی تکواندوجو نافیا کوش آیدین پاریس یای المپیک اویون‌لاریندا قادین‌لار آراسیندا +67 کیلوقرام چکی درجه‌سینده بورونج مدال قازانیب.

گراند پالایس‌ده کئچیریلن یاریش‌لارین سون 16 توروندا شیلی‌لی فرناندا آگویرنی مغلوب ائدن نافیا کوش آیدین 1/4 فینالدا اوردون‌لی راما ابوالروبو مغلوب ائدیب.

یاریم فینالدا فرانسا‌لی آلتیا لورینه اودوزان و فینال شانسینی ایتیرن میللی ایدمانچی بورونج مدال اوغروندا گؤروشده بریتانیا‌لی ربکا مک گوان ایله اوز-اوزه گلیب.

ایلک ستی رقیبینه 9-7 حسابی ایله اودوزان نافیا کوش آیدین ایکینجی ستی 4-2 قازانا‌راق حسابی 1-1 گتیریب. میللی آتلت اوچونجو ستی 6-2 آلا‌راق موسابیقه‌ده 2-1 غالیب گله‌رک بورونج مدالین صاحیبی اولوب.

کاریئرینده ایلک المپیک مدالینی قازانان نافیا کوش آیدین پاریس یای المپیک موسابیقه لرینده تورکیه‌یه 8-جی مدالینی قازاندیریب.