المپیک اویونلاریندا آمریکانین لیدئرلیگی داوام ائدیر

پاریس ۲۰۲۴ المپیک اویونلاریندا ۱۴.جو گونون سونوندا آمریکا، مدال ساییسی ایله اؤلکه‌لر سیرالاماسیندا لیدئرلیگینی داوام ائتدیردی.

پاریسده گئرچکلشدیریلن اویونلارین ۱۴.جو گونونده ۳ قیزیل، ۱ گوموش و ۴ بورونج مدال قازانان آمریکا، توپلامدا ایسه ۳۳ قیزیل، ۳۹ گوموش و ۳۹ بورونج اولماق اوزره ۱۱۱ مدالا چاتماغی باجاردی.

گونو ۴ قیزیل، ۲ گوموش و ۴ بورونج مداللا تاماملایان چین، توپلامدا ۳۳ قیزیل مدال ایله آمریکایا یئتیشرکه‌ن، ۲۷ گوموش، ۲۳ بورونج مدال ایله ایکینجی سیراداکی یئرینی قورودو.

استرالیا؛ ۱۸ قیزیل، ۱۶ گوموش و ۱۴ بورونجله اوچونجو یئرده.

گونو ۳ قیزیل و ۱ گوموش مداللا بیتیرن ژاپن، ۱۶ قیزیل، ۸ گوموش، ۱۳ بورونج، توپلامدا ۳۷ مدال ایله یئددینجی سیرادان دؤردونجو سیرایا چیخدی.

اویونلاردا ۱۴ گون سونوندا ۸۵ اؤلکه و سیغینماچی المپیک تیمی مدال قازانارکه‌ن، تورکیه ۳ گوموش و ۳ بورونج مداللا لیستده ۶۱.جی سیرادادیر.