تورکیه‌لی یوسف دیکچ‌ین دوروشو ایدمانچیلارین سئوینج پوزو اولدو
پاریس ۲۰۲۴ المپیک اویونلاریندا تیم یولداشی "شوال ایل‌آیدا تارهان" ایله تورکیه‌یه گوموش مدال قازاندیران و آتیش طرزی ایله فنومن اولان یوسف دیکچ‌ین دوروشو، فرقلی بؤلوملرده ایدمان ساحه‌لرینه قونو اولوندو
پاریس ۲۰۲۴ المپیک اویونلاریندا تیم یولداشی "شوال ایل‌آیدا تارهان" ایله تورکیه‌یه تورکیه‌یه ۱۰ متر هاوالی تاپانچا قاریشیق تیم موباریزه‌سینده گوموش مدال قازاندیران و آتیش طرزی ایله فنومن اولان یوسف دیکچ‌ین دوروشو، فرقلی بؤلوملرده ایدمان ساحه‌لرینه قونو اولدو.
طرزی ایله دونیا سویه‌سینده ماراق گؤره‌ن میللی ایدمانچی یوسف دیکچ‌ین، لنز، گؤز قاپاغی و قولاق قوروماسی کیمی کؤمکچی تجهیزاتدان ایستیفاده ائتمه‌دن بیر الی جیبینده آتیش طرزی، فرقلی ساحه‌لرده‌کی ایدمانچیلار اوچون ده سئوینج نوماییشی حالینا گلدی؛ ایدمانچیلار یاشادیقلاری سئوینجی، "یوسف دیکچ پوزو" ایله ایفاده ائتمه‌یه باشلادی.
سوئدلی آتلئت "آرماند دوپلانتیس"، کیشیلر سیریقلا آتلاما فیناللاریندا ۶،۲۵ مترلیک آتلاییشی ایله اؤزونه عاید ۶،۲۴ مترلیک دونیا رکوردونو آرتیراراق المپیک رکوردونو قیردی و قیزیل مدال آلدی.
دوپلانتیس، رکورد قیردیقدان سونرا "دیکچ" پوزو وئردی.
پاریس ۲۰۲۴ون قادینلار سیریقلا آتلاماداکی استرالیالی قیزیل مداللی ایدمانچیسی "نینا کندی" ده دیکچ‌ین مشهور دوروشونو سرگیله‌دی.
"کندی"، ۴،۹۰ مترلیک درجه‌سی ایله قیزیل مدال آلارکه‌ن سئوینج نوماییشی "دیکچ" پوزو اولدو.
کیشیلر دیسک آتمادا جامایکالی "روژه ایستونا"، ۷۰ مترلیک درجه‌سی ایله المپیک رکوردو قیراراق قیزیل مدال آلدی. ایدمانچی باشاریسینی، "یوسف دیکچ پوزو" وئره‌رک قوتلایانلار آراسیندا یئر آلدی.
تورکیه‌نی آتلئتیزمده کیشیلر مانعلی ۴۰۰ متر ده یاریشاراق تمثیل ائد‌ن "برکه آکچام" یاری فینالا یاریشی اولینده سون حاضرلیغ سیراسیندا پیستده دیکچ پوزو وئردی.
میللی اوزوچولر "قوزئی تونچ‌ائلی" و "امیر باتور آلبایراک"ین دا یاریشدیغی کیشیلر ماراتون ۱۰ کیلومتر یاریشیندا، ماجار ایدمانچی "دیوید بتلهم" ده "یوسف دیکچ پوزو"نو وئره‌نلر آراسیندا یئر آلدی.
ایدمانچیلارین سن چاییندا یاریشدیغی مارتن اوزمه یاریشیندا فینیشه ۳.جو سیرادا گیره‌ن بتلهم، سئوینج نوماییشی اثناسیندا "یوسف دیکچ پوزاو"یلا گؤرونتو وئردی.
میللی آتیچینین پوزو، فوتبال ساحه‌لرینده ده گؤرولمه‌یه باشلاندی.
فنرباخچانین یوئفا شامپیونلار لیگی ۳.جو اله‌مه دؤورونده لیل ایله اوینادیغی ایلک اویوندا ۸۰.جی دقیقه‌ده گول ووران نیهاد جان قهوه‌جی، تیم یولداشلارییلا سئوینج یاشایارکه‌ن "یوسف دیکچ پوزو" وئردی.
اسکاتلندین رنجرز تیمیندن سیریل دسرز، شامپیونلار لیگی ۳.جو اله‌مه دؤورونده اوکراینانین دینامو کیئو تیمی ایله اوینادیقلاری و ۱-۱ برابره قالدیقلاری اویوندا اوزاتما بؤلومونده ووردوغو گولون آردیندان سئوینرکه‌ن تریبونلاردان گلن دسته‌گه دیکچ پوزویلا جاواب وئردی.
هلند تیمی آژاکسین یوئفا آوروپا لیگی ۳.جو اله‌مه دؤورونده رقیب ائوینده یونانیستان نماینده‌سی پاناتینایکوسو ۱-۰ مغلوب ائتدیگی اویوندا ۲۸.جی دقیقه‌ده گول ووران ایستیون برهایس، سئوینجینی "یوسف دیکچ پوزو"یلا سرگیله‌دی.
هلند تیمی سوسیال مئدیاداکی اکس حسابیندان فوتبالچیسینین بو گؤرونتوسونو پایلاشارکه‌ن میللی فوتبالچینین حسابینی دا پایلاشیما ائتیکتله‌دی.
ایلگیلی‌لی خبرلر
تورکیه کلوبلاریندان غلبه قازانان اولمادی
بو گون یوفا آوروپا لیگی‌نین لیگ مرحله‌سی‌نین 2-جی تورونون اویونلاری کئچیریلیب.
