ایلک فینالیست اسپانیا اولدو

اسپانیا، گئرییه دوشدوگو اویوندا فرانسانی مغلوب ائده‌رک یورو ۲۰۲۴ده فینالا چیخدی

2161299
ایلک فینالیست اسپانیا اولدو

یورو ۲۰۲۴ون ایلک فینالیستی اسپانیا اولدو.

اسپانیا، گئرییه دوشدوگو اویوندا فرانسانی مغلوب ائده‌رک یورو ۲۰۲۴ده فینالا چیخدی.

مونیخ فوتبال آرئنادا اوینانان اویونون ۹.جو دقیقه‌سینده کیلیان ام‌باپپنین پاسیندا کولو موانی، فرانسانی ۱-۰ اؤنه گئچیردی.

اویوندان دوشمه‌یه‌ن اسپانیا، ۲۱.جی دقیقه‌ده لامین یامال، ۲۵.جی دقیقه‌ده ده دنی اولمونون گوللارییلا ۴ دقیقه‌ده حسابی ۲-۱ه گتیردی و دؤوره آراسینا بو نتیجه ایله گیریلدی.

اورتا ساحه مباریزه‌سی شکلینده گئچه‌ن ایکینجی یاریدا ایکی تیم ده گول مؤوقعیتی تاپابیلمه‌دی و اویون اسپانیانین ۲-۱ اوستونلوگو ایله سونا چاتدی.

بو نتیجه‌ ایله اسپانیا، آدینی فینالا یازدیرارکه‌ن فرانسا تورنمنته وداعلاشدی.

۱۶ یاشینداکی اسپانیالی فوتبالچی لامین یامال، تورنمنت تاریخینین ان گنج فوتبالچیسی اولارکه‌ن، فرانسایا وودوغو گوللا دا تورنمنت تاریخینینن گنج گولچوسو اولدو.

فرانسا قاپیسینی ۱۶ یاش ۳۶۲ گونلوک ایکن آچان یامال، ۱۸ یاش ۱۴۱ گونله رکوردو الینده توتان سوئیسلی یوهان وونلانتنی گئریده بوراخمیش اولدو.



ایلگیلی‌لی خبرلر