سوپر لیگده یئنی رکوردچو

تورکیه سوپر لیگی‌نین 26-جی تورونون "آنکاراگوجو" ایله اویونو "سیواس سپور"ون مربیسی رضا چالیمبای اوچون علامتدار اولوب.

60 یاش‌لی متخصص اؤلکه شامپیوناتیندا ان چوخ اویونا چیخان مربییه چئوریلیب.

سؤزوگئدن اویون بو باخیم‌دان اونون 622-جی ماتچی اولوب. بون‌دان اوولکی رکورد صمد آی بابایا مخصوص ایدی – 621 اویون. ایلک اوچلوگو 593 ماتچلا شنول گونش قاپاییر.

خاطیرلاداق کی، "سیواس سپور" مربیسی‌نین تاریخه کئچدیگی بو قارشیلاشمادا 2:0 حساب‌لی غلبه‌یه سئوینیب.

چالیمبای 2019-جو ایلین یایین‌دان "سیواس سپور"ا رهبرلیک ائدیر. او، داها اؤنجه 2010-2013-جو ایللر آرالیغیندا دا سیواس تمثیلچی‌سینده مربی اولوب.