شامپیون‌لار لیگی: 1/4 فینالین بوتون ایشتیراکچی‌لاری بللی اولوب

یوفا شامپیونلار لیگینده 1/8 فینال مرحله‌سینه یئکون وورولوب.

سون اویون گونونده کئچیریلن ایکی قارشیلاشما ایله 1/4 فینالین بوتون ایشتیراکچی‌لاری بللی اولوب.

ایسپانیا "رئال مادرید"ی اینگیلتره‌ده 5:2 حسابی ایله غالیب گلدیگی "لیورپول"و ائوده ده مغلوب ائدیب - 1:0. بو نتیجه "کرال کلوبو"نو نؤوبتی مرحله‌یه یوکسلدیب.

گئجه‌نین دیگر ماتچیندا ایسه "ناپولی" ایتالیادا آلمانیانین "آینتراخت" (فرانکفورت) تیمینی سیناغا چکیب. ایلک قارشیلاشمادا 2:0 حساب‌لی غلبه قازانان ناپول تمثیلچی‌سی جاواب ماتچیندا دا رقیبینه شانس وئرمه‌ییب - 3:0.

یوفا شامپیون‌لار لیگی

1/8 فینال، جاواب اویون‌لاری

15 مارس

23:00 "رئال مادرید" (ایسپانیا) - "لیورپول" (اینگیلتره) - 0:1

داور: فلیکس تسوایر (آلمانیا)

ایلک اویون - 2:5

مادرید، " سانتیاگو برنابئو" ایستادیونو

23:00 "ناپولی" (ایتالیا) - "آینتراخت" فرانکفورت (آلمانیا) - 0:3

قول‌لار: ویکتور اوسیمن، 45+2؛ 53. پیوتر زلینسکی، 64 (پنالتی)

داور: انتونی تیلور (اینگیلتره)

ایلک اویون - 0:2

ناپول، "دیگو آرماندو مارادونا" ایستادیومو

قئید ائدک کی، داها اول آلمانیانین "بایرن مونیخ"، پورتوقالیانین "بنفیکا"، اینگیلتره‌نین "چلسی" و "منچستر سیتی"، همچنین ایتالیانین "میلان" و "اینتر" تیم لری 1/4 فینالا وثیقه قازانیب‌لار.