عرب خلیجی کاپیندا ازدحام

بصره‌ده عرب خلیجی کاپی چرچیوه‌سینده اویناناجاق فینال اویونو اؤنجه‌سی میدانا گلن ازدحام‌دا ۱ نفر اؤلدو

1935178
عرب خلیجی کاپیندا ازدحام

عراقین بصره شهرین‌ده، "عرب خلیجی کاپی" چرچیوه‌سینده اویناناجاق فینال اویونو اؤنجه‌سی میدانا گلن ازدحام‌دا ۱ نفر اؤلدو، ۶۰ نفر یارالاندی.

عراقین رسمی آژانسی ای‌ان‌ای‌ین ساغلیق قایناقلارینا دایاندیردیغی خبره گؤره، بصره‌ده‌ وطنداشلار، عراق و عمان میللی فوتبال تیملرینین قارشیلاشدیغی فینال اویونو اوچون سحر ساعاتلارین‌دان اعتباراً نخل گؤوده‌سی استادیومونا آخین ائتمه‌یه باشلادی.

استادیوم اطرافین‌دا یارانان ازدحام‌دا ۱ نفر ازیله‌رک یاشامینی ایتیردی، ۶۰ نفر یارالاندی.

خسته‌خانایا چاتدیریلان یارالیلاردان بعضیلرینین وضعیتینین آغیر اولدوغو بیلدیریلیر.

عراقین باشباخانی محمد شیاع السودانینین ده فینال اویونو اوچون شهرده اولدوغو ایفاده ائدیلدی.

یئرلی مسئوللارلا، فینال اویونو اؤنجه‌سی حاضرلیقلارلا باغلی گؤروشه‌ن سودانی، میدانا گلن ازدحام‌دان سونرا بصره خالقینا سسلنه‌رک، "تورنمنتین ان یاخشی شکیلده باشا چاتماسی اوچون مرتبط قوروملارلا دایانیشما ایچریسینده اولمالارینی" ایسته‌دی.

عراق-قطر اویونونو ایزله‌مک اوچون ۳ گون قاباق بصره‌یه گئتمک ایسته‌یه‌نلرین ایچینده اولدوغو ۲ اتومبیلین توققوشماسی نتیجه‌سین‌ده ۷ نفر اؤلموش، ۱۷ نفر یارالانمیشدی.

عراقدا ۶ ژانویه‌ده باشلایان "عرب کؤرفزی کاپی" بو گون تورکیه ساعاتی ایله ۱۹.۰۰دا عراق و عمان میللی تیملری آراسیندا اویناناجاق فینال اویونو ایله سونا چاتاجاق.



ایلگیلی‌لی خبرلر