آرژانتین میللیسی اوچ قات دونیا شامپیونو اولوب
فینالدا فرانسا ییغماسینی مغلوب ائدن آرژانتین میللیسی اوچ قات دونیا شامپیونو اولوب.
قطرده کئچیریلن دونیا شامپیوناتینین غالیبی معینلشیب.
فینالدا فرانسا ییغماسینی مغلوب ائدن آرژانتین میللیسی اوچ قات دونیا شامپیونو اولوب.
حسابی 23-جو دقیقهده گونئی امریکا تمثیلچیسی آچیب. پنالتیدن فرقلنن لیونل مسی تیمینی اؤنه چیخاریب. 36-جی دقیقهده دی ماریا 2-جی توپو آوروپالیلارین قاپیسیندان کئچیریب. ایلک حیسه "تانقوچولار"ین 2:0 حسابلی اوستونلوگو ایله باشا چاتیب.
80-جی دقیقهده کیلیان امباپه پنالتینی دقیق یئرینه یئتیرمکله بوراخیلان گل لاردان بیرینین عوضینی چیخیب. 24 یاشلی هوجومچو جمعی 2 دقیقه سونرا تارازلیغی برپا ائدیب. گؤروشون اساس واختیندا غالیب معینلشمدیگیندن علاوه واخت اوینانیلیب.
109-جو دقیقهده مسی اؤزونون ایکینجی، تیمینین ایسه اوچونجو گلونو ووروب. لاکین مغلوبیتله باریشمایان "خوروزلار" 108-جی دقیقهده حسابی یئنیدن برابرلشدیریبلر. امباپه 11 مترلیک جریمه ضربهسیندن هت تریکینی رسمیلشدیریب.
ماتچین علاوه واختیندا دا تارازلیق پوزولمادیغیندان پنالتیلر سریسیندن ایستیفاده ائدیلیب. بورادا داها دقیق اوینایان (4:2) آرژانتین میللیسی دونیا شامپیوناتی-2022-نین غالیبی اولوب.
قئید ائدک کی، گونئی امریکا تمثیلچیسی داها اول 1978 و 1986-جی ایللرده دونیا کاپینی قازانیب.