پله، سرطانلا موباریزه ائدیر
"داواملی باش‌ساغلیغی مئساژی آلماق‌دان یورولدوق. آتام هله ده ساغدیر و سرطان موالیجه‌سی گؤرور"
فوتبالین یاشایان افسانه‌سی پله سرطانلا موباریزه ائدیر.
قیزلاری فلاویا و کلی، آتالارینین وفاتی ائتدیگی ایله باغلی باش‌ساغلیغی مئساژلارینا تپکی گؤستریر.
قیزلارینین یاییملادیغی آچیقلامادا، "آچیغی، داواملی باش‌ساغلیغی مئساژی آلماق‌دان یورولدوق. آتام هله ده ساغدیر و سرطان موالیجه‌سی گؤرور. کوروناویروسسببی ایله تنفس یولو راحاتسیزلیقلاری یاشادی. سرطان ندنی ایله باغیشیقلیق سیستمی ضعیفله‌دی. ساغالدیقدان سونرا ائوه قاییداجاق" ایفاده‌لری یئر آلدی.
پله ایسه سوسیال مئدیا حسابیندان ائتدیگی پایلاشیمدا، "دوستلاریم، خسته‌خانایاداکی آیلیق کنترللاریمی ائتدیریریم. بئله مثبت مئساژلار آلماق چوخ سئویندیریجیدیر. هامییا تشکر ائدیره‌م" ایفاده‌لرینی ایشلتدی.
۸۲ یاشلی پله‌یه دونیانین هر یئرین‌دن دستک مئساژلاری وئریلیر.
برزیل میللی تیمینی باش مشق‌چی‌سی تیته ده مطبوعات توپلانتیسیندا بونلاری سؤیله‌دی: "اونا شفا دیله‌ییرم. تئزلیکله ساغالماسینی اومود ائدیرم".
