5-جی ایسلامی دایانیشما اویون‌لاری باشلاییب

جمهور باشقانی رجب طیب اردوغان آوقوستون 9-دا 5-جی ایسلام دایانیشما اویون‌لارینا ایستارت وئریب.

1866176
5-جی ایسلامی دایانیشما اویون‌لاری باشلاییب

جمهور باشقانی رجب طیب اردوغان آوقوستون 9-دا 5-جی ایسلام دایانیشما اویون‌لارینا ایستارت وئریب.

جمهور باشقانی رجب طیب اردوغان ایسلامی دایانیشما ایدمان فدراسیونو و ایسلام امکداش‌لیق تشکیلاتینا عضو اؤلکه‌لرین ایشتیراکی ایله کونیا بؤیوکشهر بلدیه‌سی ایستادیوموندا کئچیریلن 5-جی ایسلام دایانیشما اویون‌لاری‌نین آچیلیش مراسیمینده ایشتیراک ائدیب.

جمهور باشقانی اردوغان مراسیمی آذربایجان پرزیدنتی ایلهام علی یئو، قوزیی قیبریس تورک جمهوریتی‌نین پرزیدنتی ارسین تاتار، فیلیسطین باش ناظیری محمد اشتیه، آلبانیانین باش ناظیری ادی راما، الجزایرین باش ناظیری ایمن بن عبدالرحمان، ایسلامی دایانیشما ایدمان فدراسیونونون باشقانی شاهزاده عبدالعزیز بن ترکی الفیصل السعود ایله ایزله‌ییب.

دؤولت باشچی‌سی اردوغان اویون‌لارین آچیلیش مراسیمینده  5-جی ایسلامی دایانیشما اویون‌لاری‌نین ایدمان فعالیت‌لرینه ایستارت وئریرم. امگی کئچن هر کسی اؤز آدیمدان و میللتیم آدیندان تبریک ائدیرم. اوغورلار" دئییب.

آچیلیش مراسیمی قرانی-کریمین تلاوتی ایله باشلاییب. پروتوکول عضو‌لری ایستادیوما گلدیک‌دن سونرا ایستیقلال مارشی اوخونوب، داها سونرا تورکیه بایراغی قالدیریلیب.

داها سونرا اویون‌لاردا ایشتیراک ائدن اؤلکه‌لرین کونووی‌لاری الیفبا سیراسی ایله اؤز بایراق‌لارینی داشییا‌راق ایستادیوما داخیل اولوب‌لار.

ایسلام دونیاسی‌نین اؤنملی موسیقیچی‌لریندن اولان ماهر زاین 5-جی ایسلامی دایانیشما اویون‌لاری‌نین آچیلیش مراسیمینده مینی کنسرت پروقرامی ایله چیخیش ائدیب.

ایشیق شوولاری‌نین و آتش فشانلیغین تشکیل اولوندوغو گئجه‌ده رقاص‌لار طرفیندن صحنه‌یه موختلیف خوروقرافیا‌لار تقدیم اولونوب. خالق رقص‌لری تاماشاسی بؤیوک ماراغا سبب اولوب.



ایلگیلی‌لی خبرلر