روسیا فوتبال فدراسیونو یوفادن آیریلماغا حاضیرلانیر

روسیانین گله‌جک مؤوسومدن اعتباراً آسیا فوتبال کنفدراسیونونا قاتیلماق اوچون ایشلره باشلادیغی ایفاده ائدیلدی

1823176
روسیا فوتبال فدراسیونو یوفادن آیریلماغا حاضیرلانیر

روسیا اوکراینایا ساواش آچماسی نتیجه‌سینده بوتون دونیادان تپکی آلیر.

بیر چوخ اولوسلارآراسی ایدمان تشکیلاتی، روس تیملرینی و روسیانین فرقلی ساحه‌لرده‌کی میللی تیملرینی اویونلارا آلمادی.

باشدا یوفا و یورولیگ، روس کلوبلارینی بو مؤوسوم اویونلاردان چیخاردی و گله‌جک مؤوسوم ده تورنمنتلرده یئر آلمایاجاغینی آچیقلادی.

روسیا فوتبال فدراسیونو ایدمان تحکیم محکمه‌سی، بو قونویا قارشی مراجعت ائتسه ده، داها سونرا اعتراضینی گئری چکدی.

یوفا و فیفانین بوتون اویونلاریندان دیشلانان روس کلوبلاری و روسیا میللی تیمی، آسیایا اوز چئویردی.

اسکای آلمانیا، "روسیا فوتبال فدراسیونونون یوفادن آیریلماغا حاضیرلاندیغینی" ادعا ائتدی.

خبرده، روسیانین گله‌جک مؤوسومدن اعتباراً آسیا فوتبال کنفدراسیونونا قاتیلماق اوچون ایشلره باشلادیغی ایفاده ائدیلدی.

بئله بیر وضعیتین گرچکلشمه‌سی حالیندا، روسیا دونیا کاپی اوچون آسیا اله‌مه تورنمنتینه قاتیلاجاق.

آوروپا شامپیوناسی یئرینه ده آسیا کاپیندا یئر آلاجاق.

کلوبلار ایسه، یوفا شامپیونلار لیگی یئرینه آسیا شامپیونلار لیگینده و آوروپا لیگی یئرینه آسیا فوتبال کنفدراسیونو کاپیندا یاریشاجاق.

آنجاق بو وضعیتین، دیگر آسیا فدراسیونلاری طرفیندن اونایلانما‌سی لازیمدیر.

روسیانین قارشیسیندا بو قونودا بیر چوخ نومونه وار.

۱۹۵۴-۱۹۷۴ ایللری آراسین‌دا آسیا فوتبال کنفدراسیونوندا یئر آلان اسرائیل، ۱۹۹۱ده یوفایا قاتیلانا قدر هر هانسی بیر فدراسیونونا باغلی دئییلدی.

قازاقیستان ۲۰۰۲ده یوفایا قاتیلمادان اؤنجه آسیانین عضوو ایدی.

استرالیا ایسه ۲۰۰۵ده آسیادا یاریشابیلمک اوچون اقیانوسیه فدراسیونوندان آیریلمیشدی.



ایلگیلی‌لی خبرلر