دونیا شامپیوناتی-2022: تورکیه و اوکراینا پلی-اوفدا
10-جو تورون سونونجو اویون گونونده د، ای و گ قروپلاری اوزره عمومیلیکده 7 گؤروش باش توتوب.
بو گون دونیا شامپیوناتی-2022-نین آوروپا زوناسی اوزره سئچمه مرحلهسینه یئکون وورولوب.
10-جو تورون سونونجو اویون گونونده د، ای و گ قروپلاری اوزره عمومیلیکده 7 گؤروش باش توتوب.
د قروپوندا 2-جی یئر اوغروندا موباریزه آپاران فینلاندیا میللیسی فرانسایا اودوزوب و پلی-اوف شانسینی ایتیریب. اوکراینا سئچمهسی ایسه بوسنیا و هرزگوینانین قوناغی اولوب. آلکساندر پتراکووون رهبرلیک ائتدیگی تیم بو موسابیقهدن قالیب آیریلماقلا پلی-اوفا وثیقه قازانیب.
ای قروپوندا فینال مرحلهسینه بیرباشا یوللاناجاغی دقیقلشن بلژیک سفرده ولز ایله قارشیلاشیب. بو اویوندا قالیب معینلشمهییب. چکیا ییغماسی ایسه ائوده استونیا ایله اوز-اوزه گلیب و ایناملی قلبهیه سئوینیب. بو نتیجهلردن سونرا ولز ییغماسی قروپ ایکینجیسی اولوب.
گئجهنین ان ماراقلی اویونلاری گ قروپوندا اولوب. 20 امتیاز ایله قروپا باشچیلیق ائدن هولاندیا میللیسی ائوده نروژی سیناغا چکیب. دیگر اؤنملی موسابیقه ایسه تورکیه سئچمهسی سفرده مونته نگرو ایله قارشیلاشیب. واجیب اویونلار اؤنجهسی "نارینجیلار"ین دونیا شامپیوناتینا بیرباشا وثیقه قازانماق شانسی داها بؤیوک ایدی. لوی وان گالین مربی اولدوغو تیم هئچ-هئچه سایهسینده ده بونو باجارا بیلردی. 18 امتیازا مالیک تورکیه و نروژ-ین ده قروپو بیرینجی پیللهده بیتیرمک شانسلاری واردی. بونون اوچون هر ایکی تیم میدانی قلبه ایله ترک ائتمهلیدی. بوندان سونرا ایسه تیم آراسیندا توپ فرقینه باخیلاجاقدی. اما یئکوندا هولاندیا دوغما میدانداکی قلبه سایهسینده قروپ لیدئری اولوب و دونای کاپینا بیرباشا وثیقه قازانیب. تورکیه ییغماسی ایسه سفرده عزمکار قلبه قازانماقلا قروپ ایکینجیسی اولوب و پلی-اوفدا اویناماق شانسی قازانیب.
داها اول آوروپا زوناسیندان آلمانیا، دانیمارکا، بلژیک، فرانسا، کرواسی، صربیستان، ایسپانیا، اینگیلتره و سوئبیس ییغمالاری دونیا شامپیوناتی-2022-یه وثیقه قازانمیشدی. ایتالیا، پورتوقالیا، روسیا، اسکاتلند، چکیا، لهستان، سوئد، ولز ،اتریش و قوزیی مقدونیه ییغمالاری ایسه پلی-اوف مرحلهسینده موباریزه آپاراجاق.
دونیا شامپیوناتی-2022-نین سئچمه مرحلهسی
10-جو تور
16 نوامبر
د قروپو
فینلاندیا – فرانسا 2:0
بوسنیا و هرزگوینا – اوکراینا 2:0
امتیاز دورومو: فرانسا – 18، اوکراینا – 12، فینلاندیا – 11، بوسنیا و هرزگوینا – 7، قازاخیستان – 3.
ای قروپو
ولز – بلژیک 1:1
چکیا – استونیا 0:2
امتیاز دورومو: بلژیک – 20، ولز – 15، چکیا – 14، استونیا – 4، بلاروس – 3.
گ قروپو
جبل الطارق – لتونیا 3:1
مونته نگرو – تورکیه 2:1
هولاندیا – نروژ 0:2
امتیاز دورومو: هولاندیا – 23، تورکیه – 21، نروژ – 18، مونته نگرو – 12، لتونیا – 9، جبل الطارق – 0.