"چلسی" لوندون دربی‌سینده "آرسنال"دان گوجلو اولوب

آوقوستون 22-ده اینگیلتره پرمیر لیگی‌نین ایکینجی تورونون مرکزی قارشیلاشماسی کئچیریلیب.

 "امیریتس" ایستادیوموندا باش توتان گؤروشده ایکی لوندون تمثیلچی‌سی – "آرسنال" و "چلسی" تیملری اوز-اوزه گلیب.

گؤروش "چلسی" تیمی‌نین 2:0 حساب‌لی قلبه‌سی ایله باشا چاتیب.

اویوندا حساب موسابیقه‌نین 15-جی دقیقه‌سینده آچیلیب. رومرو لولاکو  بیرینجی اویونوندا گل وورماغی باجاریب. ایگیرمی دقیقه سونرا "چلسی" حساب آراسینداکی فرقی ایکی توپا چاتدیریب. ماسون مونتون اؤتورمه‌سیندن سونرا ریس جیمز فرقلنیب.

قالان دقیقه‌لرده هر ایکی تیمین جهدلرینه باخمایا‌راق حساب دییشیلمه‌ییب.

قئید ائدک کی، ایلک توردا "آرسنال" سفرده " برنتفورد"ا مغلوب اولوب (2:0)، "چلسی" ایسه دوغما میداندا "کریستال پالاس"دان اوستون اولوب - 3:0.