یورو-2020: ایتالیا ایکینجی دفعه آوروپا شامپیونو اولوب

31 گون داوام ائدن سایجا 16-جی آوروپا شامپیوناتی‌نین حل ائدیجی قارشیلاشماسی لوندون‌داکی "ومبلی" ایستادیوموندا باش توتوب.

1673933
یورو-2020: ایتالیا ایکینجی دفعه آوروپا شامپیونو اولوب

ژوئن‌ین 11-دن جولای‌ین 11-دک آوروپانین 11 اؤلکه‌سینده کئچیریلن یورو-2020-یه یئکون وورولوب.

31 گون داوام ائدن سایجا 16-جی آوروپا شامپیوناتی‌نین حل ائدیجی قارشیلاشماسی لوندون‌داکی "ومبلی" ایستادیوموندا باش توتوب.

تاریخینده ایلک دفعه قاره شامپیوناتی‌نین فینال اویونوندا قوه‌سینی سینایان اینگیلتره ییغماسی دوغما آرئنادا ایتالیانی قبول ائدیب.

گؤروش ارکن گل ایله باشلاییب. آرتیق 2-جی دقیقه‌ده لوک شوو هم فینالدا، هم ده اؤزونون میللی‌دکی گل حسابینی آچیب.

بوراخیلان گل دان سونرا تشببوسه اله آلان ایتالیا ییغماسی بؤیوک اوستون‌لویه ییلنیب. لاکین ایتالیالیلارین آرام‌سیز هوجوم‌لاری یالنیز ایکینجی حیسه‌نین اورتا‌لاریندا بهره‌سینی وئریب.

قارشیلاشمادا ایکینجی گل‌و دا ساوونماچی ووروب. لئوناردو بونوچچی حسابدا تارازلیق یارادیب.

بو، گؤروش‌دکی سون گل اولوب. علاوه واختیندا تارازلیغین پوزولمادیغی فینالین و یورو-2020-نین غالیبینی پنالتی‌لر سریسی معینلشدیریب.

اویون سونراسی پنالتی لر ده داها دقیق اولان ایتالیان‌لار آوروپا شامپیونو تیتولونا صاحب چیخیب. بو، 1968-جی ایلده ده قیزیل مدالا ییه‌لنن ایتالیا ییغماسی‌نین ایکینجی قاره شامپیون‌لوغودور.

فینالدا گل وورا بیلمه‌ین هاری کین بومباردیرلر یاریشیندا لیدرلره چاتماییب. پرتغالیالی کریستیانو رونالدو و چکیالی پاتریک شیک هره‌یه 5 توپلا یورو-2020-نین ان محصولدار اویونچولاری اولوب.

قئید ائدک کی، نؤوبتی آوروپا شامپیوناتی 2024-جو ایلده آلمانیادا کئچیریله‌جک.

یورو-2020

فینال

ایتالیا – اینگیلتره - 1:1، پنالتی. 3:3

گل لار: لوک شوو، 2 - لئوناردو بونوچچی، 67

باش حاکم: بیورن کویپرز (هولاندیا)

لوندون. "ومبلی" ایستادیومو



ایلگیلی‌لی خبرلر