یورو-2020: هولاندیا اتریش ایله، اوکراینا قوزیی مقدونیه ایله اوینایاجاق
بو گون داها اوچ اویون کئچیریلهجک
یورو-2020-نین قروپ مرحلهسی داوام ائدیر.
بو گون داها اوچ اویون کئچیریلهجک.
شامپیوناتین فاووریتلریندن ساییلان بلژیک ب قروپوندا دانیمارکا ایله قارشیلاشاجاق. ایلک اویوندا گؤزلنیلمهدن فینلاندیایا اودوزان سونونجولار دوغما دیوارلار آراسیندا ایلک امتیازلارینی قازانماغا چالیشاجاق. بلژیک ایسه میدانا ایکینجی غلبه اوچون چیخاجاق.
دیگر ایکی موسابیقه ج قروپوندا تشکیل اولوناجاق. شامپیوناتا مغلوبیتله باشلایان اوکراینا و قوزیی مقدونیه اوز-اوزه گلهجک. رقیبلر 1/8 فینال شانسینی چتینه سالماماق اوچون 3 امتیاز اوغروندا موباریزه آپاراجاق.
ایلک توردا غلبهنی اوچ گل ایله قازانان هولاندیا و اطریش واحید لیدرلیک اوغروندا موباریزه آپاراجاق. بو گؤروشده غلبه قازانان تیم دیگر موسابیقهنین نتیجهسیندن آسیلی اولاراق آدینی 1/8 فینالا یازدیرا بیلر.
قئید ائدک کی، ژوئننین 16-دا ایستارت گؤتورن ایکینجی تور آیین 19-دا باشا چاتاجاق.
یورو-2020
ایکینجی تور، 17 ژوئن
ج قروپو
اوکراینا – قوزیی مقدونیه
ب قروپو
دانیمارکا – بلژیک
ج قروپو
هولاندیا – اتریش