“فنرباغچا” ایستانبول دربی‌سینی اوچ قوللا قازانیب

دسامبرین 22-ده تورکیه سوپرلیگی‌نین 16-جی توروندا کئچیریلن ایستانبول دربی‌سینده “فنرباغچا” دوغما میداندا “بشیکتاش”ی قبول ائدیب.

“شوکرو ساراج اوغلو” ایستادیونوندا کئچیریلن اویونا میدان صاحب‌لری فعال باشلاییب‌لار. گؤروشون 23-جو دقیقه‌سینده میدان صاحب‌لری‌نین هوجومچوسو ماکس کروسه اونبیر مترلیک جریمه ضربه‌سیندن فرقلنیب. “فنرباغچا” جمعی 9 دقیقه سونرا حساب آراسینداکی فرقی آرتیریب. اوزان توفان چرچیونی دقیق نیشان آلیب. لاکین 45-جی دقیقه‌ده قوناق تیمین یاریم مودافیچی‌سی آتیبا هوتچینسون قول فرقینی بیره ائندیریب. اویوندا سونونجو قولو ایسه 58-جی دقیقه‌ده “فنرباغچا”نین هوجومچوسو ودات موریچ ووروب.

بئله‌لیکله “فنرباغچا” ایستانبول دربی‌سینی 3:1 حسابی ایله قازانیب.

گونون دیگر اویون‌لاریندا “گنجلربیرلیگی” دوغما میداندا “سیواس سپور”لا هئچ-هئچه ائدیب - 2:2. “باشاکشهر” ایسه “کایسری سپور”و 4:1 حسابی ایله مغلوبیته اوغرادیب.

تورون دیگر اویون‌لاری دسامبرین 23-ده کئچیریله‌جک.

حاضردا “سیواس سپور” تورنیر جدولینه 34 خاللا لیدرلیک ائدیر. “باشاکشهر” 30 خاللا ایکینجی، “فنرباغچا” ایسه 28 خاللا اوچونجو پیلله‌لرده قرارلاشیب‌لار.