روسیا-یا شوک قاداغا

دونیا آنتی‌دوپینگ آژانسی‌نین (WADA) ایجرایه کومیته‌سی روسیانی 4 ایل عرضینده بؤیوک اولوسلار آراسی ایدمان یاریشلاریندان‌ کنارلاشدیریب.

قرارا اساساً روسیا المپیک اویون‌لارینا، دونیا و آوروپا شامپیونات‌لارینا، ائله‌جه ده دیگر اولوسلار آراسی تورنیرلره قاتیلا بیلمه‌یه‌جک. او جمله‌دن روسیا اولوسلار آراسی یاریش‌لارا دا ائو صاحب‌لیگی ائده بیلمز.

بو قرار دؤولت قوللوقچولارینا، میللی المپیک کومیته‌سی و میللی پارا المپیک  کومیته‌سی‌نین رهبرلیگینه ده شامیل اولونوب. روسیا‌لی دؤولت قوللوقچولاری 4 ایل مودتینه اولوسلار آراسی ایدمان یاریش‌لاریندا ایشتیراک ائده بیلمه‌یه‌جک.

روسیا‌لی ایدمانچی‌لار یای المپیک اویون‌لاری و دونیا شامپیوناتینا آنجاق نئیترال ایستاتوسدا – بایراق‌سیز و مارش سیز چیخا بیلر.