لیونل مسی 6-جی دفعه "قیزیل توپ"و قازانیب

دسامبرین 3-ده پاریس‌دکی "شاتلئ" تئاتریندا فیفا و "فرانس فوتبال" ژورنا‌لی 2019-جو ایلین ان یاخشی فوتبولچوسونا وئریلن “قیزیل توپ” موکافاتی‌نین صاحبی‌نین آدینی آچیقلاییب.

لیونل مسی 6-جی دفعه "قیزیل توپ"و قازانیب
Lionel Messi with his six Ballon d'Or t.JPG
modric messi.JPG
messi.JPG

دسامبرین 3-ده پاریس‌دکی "شاتله" تئاتریندا فیفا و "فرانس فوتبال" ژورنا‌لی 2019-جو ایلین ان یاخشی فوتبولچوسونا وئریلن “قیزیل توپ” موکافاتی‌نین صاحبی‌نین آدینی آچیقلاییب.

“قیزیل توپ” موکافاتینا آرژانتین میللی‌سی‌نین و ایسپانیانین “بارسلونا” کلوبونون فوتبولچوسو لیونل مسی لاییق گؤرولوب. او، سس وئرمه نتیجه‌سینده "یوونتوس"ون اساس قول سلاحی ساییلان کریستیانو رونالدونو و "لیورپول"ون  مودافیچی‌سی ویرگیل وان دئیکی قاباقلاییب.

مراسیمده، همچنین فیفا طرفین‌دن ان یاخشی قاپیچی اینگیلتره‌نین “لیورپول” کلوبونون قاپیچی‌سی آلیسون بیکر، ان یاخشی قادین فوتبولچوسو امریکا ییغماسی‌نین یاریم مودافیچی‌سی مگان راپینو، ان یاخشی گنج (20 یاشا قدر) فوتبولچوسو آدینا ایسه هوللاندیا میللی‌سی‌نین و ایتالیانین “یوونتوس” کلوبونون مودافیچی‌سی ماتاس ده لیقت لاییق گؤرولوب.

"فرانس فوتبال" نشری “قیزیل توپ” موکافاتینی 1956-جی ایلده تاسیس ائدیب. ایندییه قدر آرژانتین-لی لیونل مسی 6، پورتوقالیا‌لی کریستیانو رونالدو 5 دفعه، فرانسیز میشل پلاتینی، همچنین هوللاندیا‌لی‌لار – یوهان کرویف و مارکو وان باستن اوچ دفعه بو موکافاتا لاییق گؤرولوب.

خاطیرلاداق کی، اؤتن ایل “قیزیل توپ” موکافاتی مادریدین “رئال” تیمی‌نین کرواسی-لی یاریم مودافیچی‌سی لوکا مودریچه تقدیم اولونوب.



ایلگیلی‌لی خبرلر