قیزیل آیاق مودریچین

قیزیل آیاق اؤدوللری موناکودا تشکیل ائدیله‌ن مراسیمله صاحبلرینه وئریلدی.

 ۲۰۱۹ون قازانانلاری لوکا مودریچ، پاتریک ویرا، خوزه آلتافینی، روبرتو فالکائو و کارولینا موراسی اولدو.

رئال مادریدین اولدوزو لوکا مودریچ، قیزیل آیاق اؤدولونو آلاراق آدینی افسانه‌لرین آراسینا یازدیردیغی اوچون موتلو و قورورلو اولدوغونو سؤیله‌دی.

کوروات فوتبال‌چی، گئچدییمیز ایل ده فرانس فوتبال درگیسی طرفین‌دن ایلین ان یاخشی فوتبالچیسینا وئریله‌ن قیزیل توپ اؤدولونو قازانمیشدی.

 بیر چوخ اؤنملی کلوب‌دا اویناماسینا باخمایاراق آرسنال افسانه‌سی اولاراق خاطیرلانان و ۲۰۱۱ده ایدمان یاشامینی نقطه‌له‌یه‌ن پاتریک ویرا دا مراسیم‌ده چیخیش ائتدی.

فران‌سالی اولدوز، فوتبال حیاتی ایله قورور دویدوغونو ایفاده ائتدی. قیزیل آیاق اؤدوللری ۲۰۰۳دن بری وئریلیر.