"قالاتاسارای" "رئال"ا قارشی – شامپیونلار لیگی
"قالاتاسارای" "رئال"ا اودوزارسا، شامپیونلار لیگینده مرحله آدلایا بیلمهیهجک.
بو گون شامپیونلار لیگینده 4-جو تورا یئکون وورولاجاق.
A، B، C و D قروپلاریندا 8 اویون کئچیریلهجک.
تورکیه شامپیونو "قالاتاسارای" سفرده "رئال"ین قوناغی اولاجاق. A قروپونون آوتسایدری اولان ایستانبول تمثیلچیسی 1/8 فینال شانسینی قوروماق اوچون مطلق خال قازانمالیدیر. مغلوبیت "ساری-قیرمیزیلار"ین شامپیونلار لیگینده یولونا داوام ائتمک شانسینین اوستوندن خط چکهجک.
قروپون لیدری پاری سن ژرمن "کلوب بروژ"ی مغلوب ائتسه، 1/8 فینالدا ایشتیراک حقوقونا ییهلنهجک. پاریسلیلره هئچ-هئچه ده کیفایت ائده بیلر. بونون اوچون "قالاتاسارای" غالیب گلمهمهلیدیر.
داها 4 کلوب واختیندان اول قروپدان چیخماغی رسمیلشدیرمک ایمکانینا مالیکدیر. بونلار "آتلتیکو"، "بایرن مونیخ"، "یوونتوس" و "منچستر سیتی"دیر.
سونونجولار "آتالانتا" ایله گؤروشده قازانیلاجاق 3 خاللا بونو رسمیلشدیرمهلیدیر. "بایرن مونیخ"ا ده "المپیاکوس"و یئنمکله مرحله آدلایاجاق. هر ایکی تیم ده هئچ-هئچه ایله 1/8 فینالا یوکسلمهسی ده مومکوندور. لاکین بونون اوچون قروپون دیگر گؤروشونون نتیجهسی اؤنملیدیر. D قروپوندا ایسه "آتلتیکو" "بایرن لورکوزن" ایله، "یوونتوس" "لوکوموتیو"له سفر موسابیقه سینده اوغور الده ائتمهلیدیر.
قئید ائدک کی، 4-جو تورون دیگر 8 اویونو نوامبرین 6-دا باش توتوب.
شامپیونلار لیگی
قروپ مرحلهسی
4- جو تور
7 نوامبر
A قروپو
23:00 "رئال” (ایسپانیا) – "قالاتاسارای" (تورکیه)
23:00 " پاری سن ژرمن (فرانسا) – "کلوب بروژ" (بئلچیکا)
B قروپو
20:55 "باریرن مونیخ" (آلمانیا) – "المپیاکوس" (یونانیستان)
23:00 "قیزیل یلدیز"(صربیستان) – "تاتنهام" (اینگیلتره)
C قروپو
23:00 "دینامو زاگرب" (کرواسی) – "شاختار" (اوکراینا)
23:00 "آتالانتا" (ایتالیا) – "منچستر سیتی" (اینگیلتره)
D قروپو
20:55 "لوکوموتیو موسکوا"(روسیا) – "یوونتوس" (ایتالیا)
"بایرلورکوزن" (آلمانیا) – "آتلتیکو مادرید" (ایسپانیا)