قیزیل آیاق‌قابی یئنه مسی‌نین

لیونل مسی،  قیزیل آیاق‌قابی ‌نی ۶ دفعه قازانان تاریخ‌ده‌کی ایلک فوتبالچی اولدو.

آرژانتینلی اولدوز، قیزیل آیاق‌قابی اؤدولونو بارسلونادا تشکیل اولونان مراسیمله آلدی.

مراسیم‌ده مسی‌نین اوغوللاری تیاگو و ماتئو دا یانیندایدی.

اؤتن مؤوسوم لا لیگادا ۳۶ گل آتان مسی، فرانسا لیگینده ۳۳ گل آتان ام‌بابه‌نین اؤنونده، ذیروه‌ده یئر آلمیشدی.

۳۲ یاش‌لی اولدوز اوچون اؤدولون زامانلاماسی چوخ اؤزل ایدی.

مسی، ۱۵ ایل قاباق ایلک دفعه بارسلونا فورماسی گئیدیگی گون‌ده، ۶.جی قیزیل آیاق‌قابی‌سینی آلدی.

۱۵ ایللیک بارسلونادا اویون یاشامیندا بیر چوخ رکورد قیران آرژانتینلی اولدوز، کاتالون تیمی ایله ۶۹۲ اویونا چیخدی.

بو ساحه‌ده ژاوی هرناندزدن سونرا ۲.جی فوتبالچی اولان مسی، ۶۹۲ اویون‌دا ۶۳۹ گل ووردو.

مسی کاتالون تیمینین تاریخین‌ده آچیق آرا ان چوخ گل ووران اویونچودور.