ان چوخ قازانان ایدمانچیلار

فوربس درگیسی، سون بیر ایلده ان چوخ قازانان ایدمان‌چیلاری آچیقلادی

ان چوخ قازانان ایدمانچیلار

دونیانین سون بیر ایلده ان چوخ قازانان ایدمان‌چی‌سی لیونل مسی اولدو.

آرژانتینلی اولدوزو، کریستیانو رونالدو و نیمار ایزله‌ییر.

فوربس درگیسی، سون بیر ایلده ان چوخ قازانان ایدمان‌چیلاری آچیقلادی.

بارسلونالی لیونل مسی، ۱۲۷ میلیون دلارلیق گلیریله لیسته‌نین ایلک سیراسین‌دا یئر آلدی.

آرژانتینلی فوتبالچی بئله‌جه، بیر اؤنجه‌کی ایل گئری‌سینده اولدوغو آمریکالی بوکس‌چو فلوید میودری گئچمه‌یی باجاردی.

لیسته‌نین ۲.جی یئرین‌ده ایسه ۱۰۹ میلیون دلارلیق قازانجی ایله کریستیانو رونالدو وار.

پرتغاللی اولدوزو، ۱۰۵ میلیون دلارلیق گلیریله نیمار ایزله‌دی.

گئچه‌ن ایل ۹۴ میلیون دلار قازانان مکزیکلی بوکسچو کانلو آلوارز دؤرد، تنیس دونیاسینین افسانه آدی راجر فدرر ایسه ۹۳ میلیون دلارلا بئشینجی سیرادا یئر آلدی.

لیسته‌نین ۶ و ۷.جی سیرالارین‌دا آمریکا فوتبالینین اولدوز آدلاری راسل ویلسون و آرون راجرز وار.

۸، ۹ و ۱۰.جو یئر‌لرده ایسه لبرون جیمز، استفن کری و کوین دورانت یئر آلدی.

تورک اصل‌لی آلمان فوتبالچی مسعود اؤزیل ایسه ۳۰ میلیون دلارلیق گلیری ایله لیسته‌نین ۵۷.جی سیراسیندا یئر آلدی.



ایلگیلی‌لی خبرلر