تورکیه دونیا شامپیونو ایله اوز-اوزه

شنول گونشین یئتیرمه لری ائوده دونیا شامپیونو فرانسا ایله قارشیالشا‌جاق.

تورکیه دونیا شامپیونو ایله اوز-اوزه

بو گون 2020-جی ایل آوروپا شامپیوناتی‌نین سئچمه مرحله‌سینده 3-جو تورا یئکون وورولا‌جاق.

ایکینجی اویون گونونده 5 قروپدا 13 قارشیلاشما تشکیل اولونا‌جاق.C، E، H،İ و J قروپ‌لاریندا قارشیلاشما‌لار کئچیریله‌جک.

C قروپوندا آلمانیا میللی‌سی 2 اویوندا امتیاز توپلایا بیلمه‌ین بلاروسون قوناغی اولا‌جاق. ایلک اویونونو امتیازسیز باشا ووران استونیا ایسه لیدر قوزیی ایرالاندیانی قبول ائده‌جک.

آذربایجان میللی‌سی E قروپوندا ماجاریستانی قبول ائده‌جک. دونیا شامپیوناتی‌نین فینالچی‌سی کرواسی ایسه ولزی سیناغا چکه‌جک.

تورون مرکزی اویونو H قروپوندا کئچیریله‌جک. سون دونیا شامپیونو فرانسا سفرده تورکیه ایله قارشی‌لاشا‌جاق. هر ایکی تیم ده 2 توردان سونرا ماکسیموم نتیجه گؤستریب. قروپون دیگر موسابیقه لرینده ایسلاندیا آلبانیانی سیناغا چکه‌جک، مولدووا و آندوررا ییغما‌لاری ایسه ایلک امتیاز‌لارینی قازانماغا جهد گؤستره‌جک‌لر.

 İ قروپوندا فاووریت ساییلان بئلچیکا میللی‌سی قازاخیستان، روسیا ییغماسی سان مارینو ایله اوز-اوزه گله‌جک. قیبریس  ایسه اسکاتلند-ین قوناغی اولا‌جاق.

سونونجو J قروپوندا ایسه فاووریت ایتالیا سفرده یونانیستانین مقاومتینی قیرماغا چالیشا‌جاق. قروپون دیگر موسابیقه لرینده ایسه لیختن اشتاین ارمنیستانین، بوسنیا و هرزگوینا ایسه فینلاندیانین قوناغی اولا‌جاق.

8  ژوئن

یورو-2020 سئچمه مرحله‌سی

ج قروپو

استونیا – قوزیی ایرلاندیا

بلاروس - آلمانیا

ائ قروپو

کرواسی  - ولز

آذربایجان - ماجاریستان

ه قروپو

ایسلاندیا - آلبانیا

مولدوا - آندورا

تورکیه - فرانسا

I قروپو

روسیا - سان مارینو

بئلچیکا - قازاخیستان

اسکاتلند – قیبریس

ژ قروپو

ارمنیستان – لیختن اشتاین

فینلاندیا - بوسنیا و هرزگوینا

یونانیستان – ایتالیا



ایلگیلی‌لی خبرلر