لوکاس مورا تاریخه گئچدی

تاتنهام، شامپیونلار لیگین‌ده ایلک دفعه فینالا چیخدی

لوکاس مورا تاریخه گئچدی

شامپیونلار لیگینده بیر تاریخ داها یازیلدی.

لیورپولون آردین‌دان آژاکسی دا ۲-۰ گئری دوشدویو اویون‌دا ۳-۲ مغلوب ائد‌ن تاتنهام هاتسپر آدینی فینالا یازدیردی. ۳ گل بیردن ووران لوکاس مورا ایسه تاریخه گئچدی.

هلندین باشکندی آمستردام‌دا اوینانان یاری فینال قارشیلاشماسین‌دا هلند تیمی آژاکس ایله اینگیلتره تیمی تاتنهام قارشیلاشدی.

قارشیلاشمایا سرعت‌لی باشلایان ائو صاحبی آژاکس، ۵.جی دقیقه‌ده ماتیس دی لیخت و ۳۵.جی دقیقه‌ده حاکیم زیاشین ووردوغو گللارلا ایلک یارینی ۲-۰ اؤنده بیتیردی.

ایکینجی دؤوره‌ده ائتکیلی اویون اورتایا قویان طرف تاتنهام اولدو.

قوناق تیم، "هت تریک" ائد‌ن لوکاس مورانین ۵۵، ۵۹ و ۹۰+۶.جی دقیقه‌لرده ووردوغو گللارلا ۳-۲لیک اوستونلوک قازاندی.

ایلک اویوندا رقیب ائوینده ۱-۰ اودوزان تاتنهام، هلندده الده ائتدیگی ۳-۲لیک اودقونون آردین‌دان رقیب ائوی گلو قورالی ایله رقیبینی اله‌یه‌رک شامپیونلار لیگی فینالین‌دا دیگر اینگیلتره تیمی لیورپولون رقیبی اولدو.

تاتنهام، شامپیونلار لیگین‌ده ایلک دفعه فینالا چیخدی.

شامپیونلار لیگین‌ده فینال قارشیلاشماسی، جولایین ۱ینده ایسپانیانین باشکندی مادریدده اویناناجاق.



ایلگیلی‌لی خبرلر